RRB NTPC 2026: డిగ్రీ అర్హతతో రైల్వేలో 3,477 ఉద్యోగాలు.. ఖాళీల వివరాలు ఇవే!
హైదరాబాద్ (MeeVoice), సెప్టెంబర్ 21, 2026: RRB NTPC 2026- రైల్వే శాఖలో ఉద్యోగం సాధించాలనే కలతో ఉన్న నిరుద్యోగులకు రైల్వే రిక్రూట్మెంట్ బోర్డ్ (RRB) శుభవార్త అందించింది. RRB NTPC (నాన్-టెక్నికల్ పాపులర్ కేటగిరీస్) గ్రాడ్యుయేట్ స్థాయి ఉద్యోగాల భర్తీ కోసం తాజాగా ఒక షార్ట్ నోటిఫికేషన్ విడుదల చేసింది. ఈ నోటిఫికేషన్ ద్వారా దేశవ్యాప్తంగా వివిధ రైల్వే జోన్లలో ఏకంగా 3,477 తాత్కాలిక ఖాళీలను భర్తీ చేయనున్నట్లు ప్రకటించింది. డిగ్రీ పూర్తి చేసి మంచి ప్రభుత్వ ఉద్యోగం కోసం ఎదురుచూస్తున్న అభ్యర్థులకు ఇది ఒక అద్భుతమైన అవకాశం.
ముఖ్యమైన తేదీలు ఇవే:
- పూర్తి స్థాయి నోటిఫికేషన్ విడుదల: అక్టోబర్ 7
- ఆన్లైన్ దరఖాస్తుల ప్రారంభం: అక్టోబర్ 8
- దరఖాస్తులకు చివరి తేదీ: నవంబర్ 6
పోస్టుల వారీగా ఖాళీల వివరాలు: మొత్తం 3,477 గ్రాడ్యుయేట్ స్థాయి ఖాళీలలో అత్యధికంగా గూడ్స్ ట్రైన్ మేనేజర్ పోస్టులు ఉన్నాయి. విభాగాల వారీగా ఖాళీల వివరాలు ఇలా ఉన్నాయి:
- గూడ్స్ ట్రైన్ మేనేజర్ – 2,750
- సీనియర్ క్లర్క్ కమ్ టైపిస్ట్ – 371
- జూనియర్ అకౌంట్స్ అసిస్టెంట్ కమ్ టైపిస్ట్ – 300
- చీఫ్ కమర్షియల్ కమ్ టికెట్ సూపర్వైజర్ – 56
అర్హతలు: ఈ పోస్టులకు దరఖాస్తు చేసుకోవాలనుకునే అభ్యర్థులు గుర్తింపు పొందిన యూనివర్సిటీ నుంచి తప్పనిసరిగా ఏదైనా విభాగంలో డిగ్రీ (గ్రాడ్యుయేషన్) పూర్తి చేసి ఉండాలి.
అక్టోబర్ 7న రానున్న పూర్తిస్థాయి నోటిఫికేషన్లో వయోపరిమితి, దరఖాస్తు ఫీజు, పరీక్షా విధానం తదితర ముఖ్యమైన అంశాలపై స్పష్టత రానుంది. ఆసక్తి గల అభ్యర్థులు అధికారిక RRB వెబ్సైట్లను క్రమం తప్పకుండా ఫాలో అవుతూ ఉండాలి.